პოდაგრის შეტევა

პოდაგრის  პირველი შეტევა უპირატესად აღმოცენდება ღამით, გამოწვეულია შარდმჟავას დონის უეცარი მომატებით, მაგალითად, დიდი რაოდენობით ხორცის მიღების ან  ბევრი ლუდის დალევის შედეგად. პოდაგრა მტკივნეულია. ტკივილი გამოწვეულია დაზიანებული ადგილის ანთებით და შეშუპებით. პოდაგრის უეცარი შეტევა შეიძლება გაგრძელდეს საათების ან რამდენიმე დღის განმავლობაში და ახლავს ძლიერი ტკივილი.

პაციენტს აღვიძებს ძლიერი ტკივილი ერთ სახსარში, უპირატესად, ფეხის ცერა თითში. სამედიცინო ჩარევის გარეშე, ტკივილი, ჩვეულებრივ, რამოდენიმე დღე გრძელდება. ანთება გარედანაც შეიძლება იყოს შესამჩნევი მიმდებარე ქსოვილის სიწითლისა და შეშუპების სახით.

სახსრის პოდაგრის შეტევაზე ეჭვი უნდა მივიტანოთ, როდესაც:

• დაზიანებული სახსარი ძალიან მტკივნეულია;
• სახსარი შეწითლებული, შეშუპებული  და შეხებისას ცხელია;
• დაზიანებული სახსარი შეიძლება მომეტებულად იყოს მგრძნობიარე შეხებაზე. შეიძლება აღინიშნოს სხვა სიმპტომები, როგორიცაა ცხელება, თავის ტკივილი, გულისცემის აჩქარება ან საერთო სისუსტე

რამდენ ხანს შეიძლება გაგრძელდეს პოდაგრის შეტევა?

მკურნალობის გარეშე, პოდაგრის შეტევა შეიძლება 1-2 კვირა გაგრძელდეს, ვიდრე არ ჩაცხრება ანთება და გაივლის ტკივილი. ჩვეულებრივ, დაზიანებული სახსრის ირგვლივ კანი იქერცლება; ასევე, დამახასიათებელია ამ მიდამოს ქავილი.

სად შეიძლება აღმოცენდეს პოდაგრის  შეტევა?

შეიძლება დაზიანდეს სხეულის სხვადასხვა ნაწილი. ადრეულ სტადიებზე, პოდაგრა აზიანებს შემდეგ სახსრებს:

პოდაგრა ასევე აზიანებს რბილ ქსოვილებს, თირკმელებს, გულს, ნაწლავებს და სხვა ორგანოებს.

რა უნდა გააკეთოთ, თუ პოდაგრის  შეტევა გაქვთ?

თუ ფიქრობთ, რომ პოდაგრის შეტევა ან პოდაგრისთვის დამახასიათებელი სიმპტომები გაქვთ, მიმართეთ ექიმს. ექიმი დაგინიშნავთ მკურნალობას, რომელიც ხელს შეუწყობს ტკივილის შემსუბუქებას და დაავადების მართვას. მართალია პოდაგრის შეტევები ხშირად უპირატესად ღამით ვითარდება, მაგრამ ამის გამო ნუ მოერიდებით გადაუდებელ სამედიცინო დამარებას.

როგორ უნდა გაუმკლავდეთ პოდაგრის მტკივნეულ შეტევას?

პოდაგრის შეტევა აღმოცენდება მოულოდნელად და, ჩვეულებრივ, ძალიან მტკივნეულია. იგი შეიძლება გამოწვეული იყოს პურინით მდიდარი საკვებით (მაგალითად, ხორცი ან ზღვის პროდუქტები) ან გადამეტებული სმით (ლუდის და სხვა ალკოჰოლური სასმელების ჭარბად მოხმარება), უჩვეულო გადაძაბვით ან ინფექციური დაავადებით. თუ ღამით ან გამთენიისას გაგაღვიძათ შეშუპებული, შეხებისას მგრძნობიარე სახსრის ძლიერმა ტკივილმა, სწრაფად უნდა იმოქმედოთ. ქვემოთ მოცემულია ის  ნაბიჯები, რომლებიც შეგიძლიათ გადადგათ პოდაგრის ტკივილის შესამსუბუქებლად.